تحتاجين تفرقين بين اللي يشاهد بشكل قليل او باختيار منه وبين المدمن
الاول : سهل يتغير لأن باختياره يشاهد
الثاني : صعب يتغير وياخذ وقت طويل (حسب شدة إدمانه وشغله على نفسه)
واذا هو الثاني هل انتي جاهزة تستثمرين وقتج وياه وتصبرين وهو يتغير (وهذا إذا قرر ان يتغير )
الحل :
الخطوة الأولى : شنو اول شعور تطلعلج من تكتشفين ؟ اشتغلي عليه قبل متتوجهين اله.
غضب ، عار ، قرف ، كره ، خوف
بدون ماتحررين مشاعرج كله لاتفتحين الموضوع وياه لأن وانتي مليانة مشاعر راح تفشل الحوار .
لان ممكن راح تشوفينه سيء غبي ميعرف يتصرف فحتى بدون متگولين هاي الكلمات بشكل مباشر راح يتسرب منج بشكل غير مباشر من خلال حدة كلماتج وانتي مشحونة بالمشاعر العالية.
الخطوة الثانية : توجهين مو تعلمين
(التوجيه بدل التعليم )انتي مو امه تعلمينها ، انتي زوجته فقط توضحين حدودج وتشاركين اشكد راح يأثر هالشي عليج وعلى علاقتكم سوه والنهاية مسؤوليته .
هسه راح تگولين شنو هي تأثير مشاهدته؟
١: سرعة القذف اللي ممكن تخليج ماتكونين مشبعة جنسياً وياه هو يخلص قبلج وبالتالي راح تنزعجين وتبطلين تمارسين وياه او قليل راح تمارسين وياه.
٢: طلبه الزيادة مثل الأفلام راح يودي علاقتكم للاسوء لان ماراح يكون مهتم لمشاعرج ورغبتج وإيقاع جسدج وبالتالي راح يخرب علاقتكم لانج راح تحسين مديتفهمج ولا يتعاطف وياج .
٣: عدم قدرته على السيطرة على ادمانه =صعب قدرته على السيطرة بعواطفه .
أما إذا هو الاول ضروري تتناقشون شنو اللي يحس انه ينقصكم بالعلاقة الجنسية وهو سبب توجهه للأفلام ؟.
