كيف أعرف إذا آني مدمن جنس أو لا؟
العلامة الأولى: صعب تسحب نفسك منه.
العلامة الثانية: تظهر آثاره بشكل سلبي بعد ما تسحب نفسك من العادة. مثلاً: تصير تفكر بيه هواية، وتعتقد إنه المتعة الوحيدة اللي تشبعك.
العلامة الثالثة: يلهيك عن حياتك الاجتماعية أو عن عملك .
العلامة الرابعة: تمارسه بشكل يومي وبتكرار كثير، بدون ما تحس بالاكتفاء، وتركيزك على التفريغ فقط، مو على الاستمتاع.
العلامة الخامسة: لما تسحب نفسك، تبدي تعصب، وتحس ماكو شي يمتعك ويلهيك بنفس درجة الدوبامين .
طريقة العلاج:
١/ قلل المحفزات (مثل المشاهد الإباحية).
٢/ تدرّب يومياً على التوقف. حتى لو فشلت، ابدي من جديد، ولا تقول "فشلت، ماكو فائدة". حط وقت محدد للتقليل، مثل شهر أو 20 يوم.
٣/ الإدمان يجي من الفراغ أو الملل. استبدل وقت فراغك بأهداف مهمة عندك تحققها، مثل جسم صحي أو جميل من خلال الرياضة، أو تشتغل بشغل تحبه، وغيرها.
٤/ الإدمان يجي من كبت المشاعر وعدم التعامل وياها بشكل صحيح. إذا عندك تحديات أو مشاكل معينة بحياتك، ابدي اكتبها، وحط خطة لحلها من الأصغر للأكبر، لأن المشاكل تحفز المشاعر السلبية. وبنفس الوقت اشتغل على مشاعرك: لا تكبتها، ولا تفرغها بشكل عشوائي على الآخرين، مثل غضبك وخوفك وحزنك.
لاااا تمنع نفسك عن الجنس، بل اعمل على إدارته.
لأن المشكلة مو بفعل الجنس، ولا بعدده، ولا بتكراره. الإدمان هو الدافع اللي يخليك تمارس الجنس بوقت ما ترغب بيه، ومع أشخاص ما ترغب بيهم.
الشخص اللي يقول "راح أوقف الإدمان اليوم"، ما راح يوقفه. الشخص اللي يقول "راح أشتغل على تقليله بالتدريج، وراح ألتزم، وحتى إذا فشلت راح أرجع أحاول"، هو اللي راح ينجح.
للعمل معاً من خلال التدريب الشخصي لمدة ٣ أشهر على إدمان الجنس تواصل معي على الإنستغرام
